Bryndís Eva Vilhjálmsdóttir

Ég heiti Bryndís Eva Vilhjálmsdóttir 65 módel og á fjögur börn fædd 84, 86, 87 og 91 tvær stelpur og tvo stráka, og eina yndislega ömmustelpu. Maðurinn minn heitir Gísli Friðriksson og hann á þrjá frábæra stráka og eina stelpu. Ég er yfirleitt rólyndismanneskja og þoli ekki rifrildi og leiðindi, hef oft fengið orð fyrir að vera yfirgengilega bjartsýn. Ég er stemmningsmanneskja og get alveg misst mig á jólum og hátíðum, og vill hafa fjölskylduna saman. Ég er ekki mjög pólitísk, en hef samt skoðanir, og nota kosningaréttinn minn. Ég get verið ótrúlega íhaldsöm, og er yfirleitt sjálfri mér nóg. Ég á góða fjölskyldu sem hefur reynst mér vel, svo er það hún Dimma mín sem er ljúfasti hundur sem ég hef kynnst. Ég hef oft gert mistök í lífinu og grenja það ekki, fólk hefur brugðist, og ég líka, og vinir sem hafa breyst í kunningja, ég er ekki sú sama og ég var fyrir 20 árum. Eitt er öruggt í mínu lífi og það er Kristur, hann hefur aldrei brugðist mér, ég vil ekki lifa án trúar á almáttugan Guð. Ég elska tónlist og hef gaman að syngja, ég er hamingjusöm og sátt við Guð og menn!