SAMÚÐARKVEÐJUR

Ég verð að segja að mér brá þegar ég sá þessar fréttir, að Rúnar okkar ástsæli tónlistarmaður væri látinn.

 Ég votta fjölskyldu hans samúðarkveðjur.

Rúnar Júlíusson látinn

Í minningu Rúnars.

það er ekkert grín að vera ?

SNILLDARAUGLÝSINGAR OG MJÖG ÁHRIFARÍKAR TIL HAMINGJU ENNEMM!

EKKI HISSA ÞÓTT ÞEIR HAFI VERIÐ TILNEFNDIR GOGO!

ENNEMM tilnefnd til verðlauna á Eurobest

KOMIN HEIM!

Þá er vel heppnuð Dublinarferð að baki, og búið að vera nóg að gera síðan, vinna og skóli og fl..

Já það var virkilega gaman að heimsækja Írana og tilgangur ferðarinnar var að skoða The Marlay sambýli fyrir aldraða, þetta er aðeins 3 ára gamalt heimili, á þremur hæðum nýtískulegt og flott. Auðvitað lentum við í ævintýrum og leiðin á heimilið tók einn og hálfan klt. í staðin fyrir hálftíma í leigubíl, af því enginn virtist vita hvar þetta heimili væri, áður en við fórum var ég búin að tala við vinkonu mína (Maju)í afgr. á hótelinu og nefna staðinn við hana, en hún hafði ekki heyrt um hann, ég var búin að prenta út leiðbeiningar á Íslandi, og sagði meira að segja við hana soldið mikið stressuð: I have the distruction of the way, skildi ekki fyrr en eftir á af hverju hún hváði, auðvitað ætlaði ég að segja direction, í öllum æsingnum, þar sem hópurinn beið í tikkandi dýrari og dýrari leigubíl, þurfti ég að hendast aftur inn og komast í tölvu og finna símanr. hjá Marlay, sem var eins og endalaust eitthvað, því ég var látinn bíða og bíða eftir maneger, sem vissi bara passwordið, þegar ég kom sigri hrósandi inn í taxann með símanr. brunaði bíllin áfram og leigubílst. byrjaði að hringja, en þetta var vitlaust nr. Vá ég spurði hann af hverju hringirðu ekki í eitthvað sem heitir information, en þá var það málið að hann var sko búin að vera leigubílstjóri í tuttugu og eitthv ár eins og vinur okkar í spaugstofunni, og það var svo mikil skömm að hringja og fá leiðbeiningar, en hann neyddist til þess, þó hann hafi reynt að fá okkur til að hætta við og koma bara með sér á pöbbinn, veit ekki alveg hvernig við hefðum átt að réttlæta það fyrir ferðastyrksnefnd eflingu, en við gáfu honum opal og hugsuðum æi þegiðu og komdu okkur á staðinn. Það var vel tekið á móti okkur þrátt fyrir 45 mín seinkunn, og ég var dauðfeginn þegar við fórum til baka að ég hafi ekki farið yfirum af þessu öllu. Um kveldið fórum við á írskt kráarkveld eins og þau gerast best með æðislegum mat, við máttum velja þrennt af matseðli fyrir forrétt aðal og eftir, mér leist rosalega vel á geitarostinn í forrétt og sagði virðulega að ég ætlaði að fá the ghost-cheese  og hann var bara góður ekkert draugalegur hehe! Það var ekta Írsk hljómsveit sem spilaði alveg frábærar raddir og fiðla og alles, og svo sáum við æðislega flottan riverdans. Karen mín var tekinn upp á pall og fékk bol að gjöf sem hún átti að fara í við undirleik hljómsveitarinnar, og hún stóð sig vel, síðan var önnur ensk stelpa fenginn upp á svið og ég gat nú ekki séð hvað hún gerði, en hún kallaði yfir alla: Ég ætla sko að sýna þessum Íslenskum stelpum hvernig á að gera þetta! Úps allt í einu heyri ég Kareni mína kalla yfir alla. BRING IT ON BITCH! Vá stemmninginn breyttist aðeins og ég hvíslaði að kareni æi af hverju sagðir þú B-ORÐIÐ? En Karen fékk mikla athygli út á þetta og voru skiptir skoðanir á athæfinu, sem voru þannig að Íslendingarnir hrósuðu henni mikið fyrir að verja heiður Íslenskra kvenna á meðan Englendingarnir voru ekki eins hrifnir, þegar Karen var spurð, sagðist hún ekki láta dissa sig svona í beinni, en hún meinti samt ekkert slæmt með þessu! Já mín kona hún Karen! En mikið rosalega var gaman, það var æðislegur mórall í hópnum, 6 konur og einn karl, sem var svo heppinn að fá að bera töskurnar okkar og pokana, því við sem ætluðum ekkert að versla duttum inn í þvílíka ódýra verslun að þó að evran hafi verið nærri 200 kall ísl. var það samt ódýrt, ég fer sko aftur þegar þau mál hafa lagast.

En nú er Guðmunda systir að koma frá Eyjum í dag og ætlar að vera hjá mér í nokkra daga og það verður æðislegt, en hún er orðin alger eyjakelling. Ég set inn myndir af Dublin fljótlega, jahérna það er brjálað að gera!

Það er gott að vera komin heim og knúsa kallinn sinn, en það var líka gott að komast í burtu og fá hvíld frá fréttum. Upp með jólaskapið elskurnar og hafið það bara gott!

Á LEIÐ TIL DUBLIN!

  

 

þá er komið að því að fara til Dublin eldsnemma í fyrramálið og nú er eins gott að fara pakka og undirbúa, þar sem ég hef ekki verið í neinum ferðagír er ég með allt á síðustu stundu, er meira að segja að fara á kveldvakt. En þetta er nú bara 4 daga ferð, getur varla verið flókið, er á leið í bankann minn að ná mér í evrur, sem eru skammtaðar, þarf að koma með farseðilinn til að sanna mitt mál. Ég er 3x búin að prenta út miðann, þar sem alltaf einhverjar breytingar hafa orðið á áætlun, vona bara að tíminn standist á morgun. Er svo ánægð að hafa Kareni mína með, þar sem við vinnum á sama stað. Hafið það gott og yndislegt alla vega ætlum við Karen og vinnfélagarnir að skemmta okkur í Dublin!

 

GÓÐAR STUNDIR!

HVER MAN EKKI EFTIR ÞESSU, SMÁ MINNINGAKAST HÉR!

TIL HAMINGJU ELSKU GUÐLAUG MÍN!

  

Hún Guðlaug systurdóttir mín er 19 ára í dag því miður get ég ekki kysst hana til hamingju, en hún er í skóla úti í Vancouver að læra leiklist með Marteini kærasta sínum sem er einnig í skólanum að læra grafíska hönnun, ég er svo ánægð fyrir þeirra hönd hvað gengur vel, og þau eru að standa sig frábærlega í skólanum! Svo finnst mér ég eiga svo mikið í henni, þar sem ég var viðstödd þegar hún kom í heiminn, Guðlaug fæddist tveimur vikum fyrir tíman þessi elska og hefur verið að flýta sér síðan! 

ELSKU GUÐLAUG MÍN TIL HAMINGJU MEÐ DAGINN HLAKKA TIL AÐ SJÁ YKKUR ELSKURNAR

AFMÆLISKVEÐJA FRÁ ÖLDUSLÓÐINNI GUÐ GEYMI YKKUR!

LOVJÚ!!!!

 

ERUM VIÐ HOLDSVEIK?!

Ömurleg lífsreynsla sem þessi íslendingur lenti í, mér finnst að nú eigi Danir að fjalla um þetta í sínum blöðum og taka á þessu og biðjast afsökunar svona haga menn sér ekki við mann í nauðum, eða er þetta framkoma sem er komin til að vera? Ég vona að við sem íslensk þjóð förum ekki að svara í sömu mynt, heldur komum fram við náungann eins og við viljum láta koma fram við okkur.

Eigið góðan og slysalausan dag

Danir vildu ekki bjarga Íslendingi

SMÁ GRÍN FYRIR DAGINN!

http://www.youtube.com/watch?v=GuMMfgWhm3g

GÓÐA SKEMMTUN!

ÚR Í EINU Í ANNAÐ!

Jæja það syttist að ég fari með vinnufélögum mínum til Dublin, en við förum 20 nóv. Þetta verður vinnutengd og skemmtiferð, við erum að reyna að koma okkur í gírinn og peppa okkur upp, en auðvitað læðist að manni hvernig verður stemmningin úti, verður hrópað að okkur ókvæðisorðum kannski go home terrorist! Ég læt ykkur vita. Ég var á fræðslufundi í gærkveldi á Grand hótel, vegna faghópa félagsliða, og það var gaman að sjá allar þessar konur sem eru að sækja sér meiri menntun, og ég tilheyri þeim hópi, en það sem brennur eru launamálin og það eru skiptar skoðanir á hvort eigi að löggilda starfsheitið eða ekki. Svo var ég á öðrum fundi um daginn með trúnaðarmönnum og starfsmönnum eflingar í samningstjórn, því nú eru lausir samningar 1 des hjá sveitarfélögunum, og auðvitað viljum við fá sömu hækkun og Reykjavíkurborg samdi fyrir sitt starfsfólk, en það var rétt rúml. 20 þús. en að sjálfsögðu er verið að undirbúa grátkór, sem mun nýta sér ástand þjóðfélagsins, og verður þetta ekki auðvelt, en auðvitað eigum við rétt á sömu hækkun, annars drögumst við aftur úr og afleiðingarnar geta allir séð.

En rosalega urðu mikil viðbrögð við færslunni  GUÐ ER TIL! Það eru komnar yfir 100 ath:semdir, þar sem ýmist er reynt að afsanna Guð eða sannfæra eða öllu heldur verið að segja frá eigin trú, ég verð að segja að sumt fannst mér alveg sorglegt, en þetta efldi mig enn frekar, ég fór í tvær kirkjur á sunnudeginum og hitti fullt af góðum vinum og að sjálfsögðu komst ég í snertingu við Guð, sem er það allra besta, á mánudeginum hittumst við svo nokkrir bloggvinir á kaffi Mílano, vegna þess að Rósa frá Vopnafirði var í bænum og hún fékk þessa hugmynd og við áttum frábæra samverustund saman mikið hlegið og einnig alvörumál rætt, þið getið séð myndir af því hjá bloggvink. minni, vonin.

En nú er ég að fara í ræktina loksins byrjuð aftur eftir mánaðarleti, og svo er ég að fara í hádeginu á námskeið í boði vinnunar minnar, sem er um streitu hvernig má losna við streitu og koma í veg fyrir, æi mig vantar bara gott streitulosandi nudd, ég vona að ég þurfi ekki að sitja og hlusta lengi, því þá verð ég fyrst stressuð og fæ vöðvabólgu, en ég ætla að gefa stressfundinum sjens.

Hafið það gott verið bless og ekkert stress Guð geymi ykkur!